El Xardín Botánicu Atlánticu empecipia esti mes un nuevu ciclu de conferencies que, sol títulu “De charra col Botánicu”, pretende averar a la ciudadanía la ciencia y la cultura venceyaes al mundu vexetal.
La iniciativa, enmarcada nes acciones de divulgación que realiza’l Xardín Botánicu, va cuntar con un programa de cinco conferencies nesta primer edición. Vn desenvolvese ente los meses de febreru y xunu na Antigua Escuela de Comerciu, un allugamientu céntricu que busca tamién averar, una tarde al mes, l’equipamientu de Cabueñes a la ciudá.
La primer conferencia va tener llugar el martes 22 de febreru a les 19.00 hores a cargu del xardineru, paisaxista ya investigador botánicu n’obres de arte Eduardo Barba Gómez (Madrid, 1978). Va Presentar el so últimu llibru, “Una flor nel asfaltu. La vida de les yerbes urbanes contaes por elles mesmes”, una biografía de cincuenta yerbes urbanes na que l’autor repasa dalgunos de los sos secretos y enceta’l so reflexu nel mundu del arte.
El ciclu complétase con otres cuatro charres que van impartir el paisaxista de la Universidá de Greenwich Fernando González, la bióloga y divulgadora etnobotánica Aina S. Erice, el director científicu del Xardín Botánicu Atlánticu, Borja Jiménez-Alfaro, y el viaxeru y botánicu vocacional especializáu en nenúfares rústicos y tropicales, Tomy Escribán.
La entrada ye de baldre hasta completar aforu.
