La Empresa Municipal de Aguas de Gijón entama per quintu añu consecutivu’l campus de branu ‘L’Agua na to Ciudá‘. Ye una de les actividaes que, como cada branu, desenvuelve la empresa empobinaes a escolares y públicu adultu. ‘L’Agua na to ciudá’ tien por oxetivu concenciar a la ciudadanía del consumu responsable y cuidu de l’agua, distribuyir en dos ediciones. La primera va tener llugar mientres la selmana del 15 al 19 de xunetu, y una segunda edición del 22 al 26 de xunetu, n’horariu de 9 a 16 hores.
Va cuntar con a la participación de 50 neñes que, xugando, van poder ampliar la so conocencia sobro l’agua. Van visitar pa ello distintes instalaciones municipales como l’Acuariu, el Xardín Botánicu, l’edificiu de la EMA, según les sableres de Poniente y L’Arbeyal o el Parque Fluvial.
El factor sorpresa va ser una constante a lo llargo de tol campamentu, con un fin de fiesta bien especial cada vienres. El campus inclúi tresporte, tentempié de media mañana, comida y materiales. El puntu de partida y de regresu va ser l’edificiu de la EMA asitiáu na Avenida Príncipe d’Asturies, 70.
