EMTUSA va probar un nuevu vehículu eléctricu

0
256
EMTUSA va probar mañana un nuevu vehículu llétricu

La Empresa Municipal de Tresportes Urbanos de Xixón va realizar esti miércoles pruebes de campu d’un nuevu vehículu d’emisiones cero. L’autobús va circular a lo llargo de tola xornada pela ciudá, ensin viaxeros. Trátase d’un vehículu denomináu APTIS, de la empresa Alstom, diseñáu para ufiertar a les ciudaes un nuevu sistema de tresporte llimpiu y eficiente. El vehículu incorpora les ventayes d’un tranvía a un autobús.

Los autobuses eléctricos van tener un papel clave nel tresporte urbanu mientres la próxima década. EMTUSA sigui trabayando coles mires de dir incorporando esti tipu de vehículos a la so flota, de manera progresiva.

La realización de pruebes de campu con distintos vehículos ye daqué habitual n’EMTUSA. La compañía quixo aprovechar nesta ocasión la celebración del XXVI Congresu Nacional de Tresporte Urbanu y Metropolitanu que se va celebrar na ciudá a lo llargo de la fin de selmana, pa poner en circulación un vehículu totalmente eléctricu.