La Empresa Municipal de Tresportes Urbanos de Xixón/Xixón (EMTUSA) va rebaxar un 50% les tarifes de los abonos y títulos multiviaxe ente’l 1 de xineru y el 30 de xunu de 2023.

Trátase d’una midida enmarcada nel sistema d’ayudes directes propuestes pol Gobiernu central, en concretu al traviés del Ministeriu de Tresportes, Movilidá y Axenda Urbana, pa desaniciar les consecuencies económico y social de la guerra d’Ucraína.

Tal que determina’l Boletín Oficial del Estáu del 28 d’avientu de 2022, el Conceyu va financiar el 20% del descuentu, que se calculó en 876.000 euros con cargu a los presupuestos municipales, ente que el 30% va asumir l’Estáu.

EMTUSA yá rebaxó un 30% les sos tarifes ente’l 1 de setiembre y el 31 d’avientu pa les persones usuaries de los distintos abonos, de tarxeta bus, de tarxeta social amenorgada, menores de 26 años y mayores de 65 años, una midida enmarcada nel Plan Nacional d’Aforru.

Les tarifes pal tresporte públicu urbanu a partir del 1 de xineru son les siguientes:

Títulu

Tarifes 2022

Tarifes

con reducción del 50%

Billete ordinariu

1,50 €

1,50 €

Bonu normal

0,75 €

0,38 €

Bonu xoven

0,70 €

0,35 €

Bonu mayor

0,70 €

0,35 €

Bonu social reducíu

0,32 €

0,16 €

Abonu mensual

39,70 €

19,85 €

Abonu mensual <26 años

30,50 €

15,25 €

Abonu mensual >65 años

30,50 €

15,25 €

Abonu semestral

186,50 €

93,25 €

Abonu anual

310,80 €

155,40 €