La Empresa Municipal de la Vivienda del Ayuntamientu de Xixón abre mañana miércoles, 19 de xineru, el plazu de recepción d’ufiertes pa l’alquisición de viviendes empobinaes al alquiler social.
L’oxetivu d’esti procesu de compra, que cunta con un presupuestu de 350.000 euros, ye amontar en polo menos cinco viviendes el parque municipal y dar rempuesta, d’esta miente, a les necesidaes de la población.
Les cases tienen de tener una superficie mínima útil de 30 m2 pa les viviendes d’un cuartu, de 45 m2 pa les de dos cuartos, y de 65 m2 pa les de trés cuartos. Coles mesmes, tienen que tar vacíes y alcontraes nel distritu d’El Llanu; nel distritu sur, qu’entiende los barrios o zones de Pumarín, Montevil, Contrueces, Polígonu de Pumarín, Nuevu Xixón, Santa Bárbara, Perchera –La Braña y Roces; o nel distritu Oeste, qu’entiende La Calzada, Xove, Tremañes, Natahoyo y Moreda. El preciu máximu fitu para cada vivienda, que puede ser de segunda mano pa reformar, cífrase en 70.000 euros ensin incluyir los impuestos que llegalmente resulten d’aplicación.
El plazu de recepción d’ufiertes conclúi nun mes. Pueden presentase nes oficines d’EMVISA, al traviés del corréu electrónicu emvisagijon.es o del rexistru electrónicu (https://www.gijon.es/ye/tramites/solicitú-merca-de-viviendes)
