La presidenta del Congresu, Meritxell Batet, espulsó esti martes a la diputada de Vox Macarena Olona de la Diputación Permanente. Too empezó cuando los representantes de la formación d’ultraderecha ocuparon los asientos asignaos a Ciudadanos. Los diputaos de la formación naranaxa viéronse obligaos d’esta manera a ocupar l’espaciu acutáu pal Gobiernu. Batet pidió a los de Santiago Abascal qu’ocuparen los sos asientos, pero estos negáronse.
La cosa nun quedó ende. Olona saltóse l’orde d’intervenciones y garró la palabra para reclamar que s’aldericara sobro la situación en Cataluña. La presidenta del Congresu llamó-y l’atención al nun tar esa tema nel orde del día. Énte la insistencia de la diputada d’ultraderecha, Batet espulsó a Olona de la Diputación Permanente. Los sos compañeros de partíu tamibén abandonaron la sesión énte la indignación unánime del restu de formaciones. «Esto nun ye un circu, ye’l Congresu de los Diputaos», sentenció Batet.
La socialista Batet ha expulsado a @vox_es del Congreso por pedir un debate sobre los ataques a la Policía en Cataluña. La izquierda más sectaria se niega a debatir sobre la actualidad política, ignorando los graves ataques sufridos por la Policía por parte del separatismo. pic.twitter.com/k5z1XFzXLq
— Caso Aislado (@CasoAislado_Es) October 22, 2019
