Estes son les midíes de l’alerta de Riesgu Estremu vixente en Xixón dende’l domingu

El Gobiernu d’Asturies declaró la entrada del conceyu de Xixón en situación d’alerta sanitaria 4+ (Nivel de Riesgu Estremu) dende’l domingu. Mientres un periodu de 14 díes van aplicase, arriendes d’ello, nueves midíes de calter estraordinariu, urxente y temporal de prevención, contención y coordinación pa facer frente a la crisis sanitaria causada pol COVID-19.

Ente les midíes cúntense:

1. Zarru perimetral del conceyu.
2. Pieslle del interior de los llocales d’hostelería.
3. Zarru de centros comerciales, sacantes alimentación.
4. Amenorgamientu al 20% del aforu en llocales de más de 300 metros cuadraos fuera de grandes superficies.
5. Xuntes llindaes a cuatro persones, y en cases, llindaes namás a persones convivientes.
6. Suspensión de l’actividá d’interiores de centros deportivos y ximnasios (sacantes deporte escolar y federáu).