La celebración de la V Carrera Popular de La Serena y de la carrera ciclista ‘Buenavista’ va xenerar distintes restricciones al tráficu’l próximu domingu, 11 de xunu, col fin de garantizar la seguridá de les mesmes.
A partir de les 11.00 hores, va tener llugar la salida de la prueba del Llano dende’l parque de la Serena col siguiente percorríu: cai Eleuterio Quintanilla, avenida del Llano, cai San José, avenida Schutz, cai Pérez de Ayala, cai Severu Ochoa, cai Cataluña, cai Valencia, avenida Shultz, cai Ana María, cai Río d’Oru, calle Juan Alvargonzález, cai La Serena, cai Eleuterio Quintanilla y llegada de nueves al parque de la Serena. Al pasu de les y los corredores, van producise cortes de circulación.
La tradicional carrera ciclista tamién se va empecipiar a les 11.00 hores col siguiente percorríu: cai Martín (salida neutralizada hasta Ponte Seca), zona interurbana contorna de Xixón, avenida de los Campones con avenida Juvería (esviadura na vuelta a la ciudá), Ponte Seca y xubida Campa Torres. A partir de les 10.30 hores, va quedar cortáu’l tráficu na cai Martín dende Manuel R. Álvarez hasta Alonso Quintanilla y l’accesu pela carretera de la Campa. Amás, EMTUSA va esviar los autobuses pela cai Hernán Cortés.
