El Festival Metrópoli desveló les primeres pistes del so cartelu. Dende la Sala Acapulco, nel Casino d’Asturies, Marino González y Suca García, directores del festival, avanzaron los primeros nomes de la nueva edición, acompañaos d’Oliver Suárez, presidente de Divertia y conceyal del Conceyu de Xixón, y Félix Baragaño, presidente de la Cámara de Comerciu de Xixón. La cita, conducida por Arantxa Nieto, ratificó qu’unu de los platos fuertes de Metrópoli ta nos sos escenarios y, como nos tien avezaos, esta edición vien cargada de grupos para tolos gustos.
Encabecen el cartelu’l dúo de rap madrilanu Natos y Waor y la banda aragonesa Amaral.
Los ‘quinquis’ d’Aluche van presentar el so últimu discu sol directu más arrollador que viéramos nunca nel escenariu, ente que Amaral va faer un percorríu polos sos más de trenta años de trayectoria musical.
Otra de les bandes que va presentar el so nuevu trabayu ye Rulu y la Contrabanda que vuelven a los escenarios con ‘5’, el percorríu polos grandes himnos de la hestoria musical pop del nuesu país va venir de la mano de La Oreya de Van Gogh o los asturianos Marlon que, tando na versión más madura de la so trayectoria, siguen siendo un grupu con alma rebalba.
El cartelu complétanlu Funzo & Baby Loud que se despiden del públicu como grupu, los
madrilanos Sexy Zebras y el dúo d’electropop Ojete Calor compuestu por Carlos Areces y Aníbal Gómez. La versión más cañí del cartelu pónenla Los Chichos que, con más de trenta millones de discos vendíos, despidir de los escenarios y van tocar en Xixón per últimu vegada. Dende l’otru llau del océanu van acompañanos C.R.O, unu de los artistes arxentinos del xéneru urbanu más consolidaos a nivel mundial, y el mozu arxentín LuckRa que col so risonderu directu va faenos botar al ritmu de cumbia col so cuartetu arxentín, recordándonos a los soníos de La Pegatina. Tamién vamos escuchar a Nano MZ y al raperu Reality. Completen el cartelu nomes como Besmaya, Álex Cuba5 o Maximiliano Calvo.
La cita ineludible cola Comic Con, del 4 al 7 de xunetu, ye l’alcuentru más esperáu pa los
fans del cómic, el cine, les series, cosplay y anime, ente otres munches coses. Cargada de conteníos y llena de sorpreses, el broche d’esta edición va ser un alcuentru cola repartida de ‘Aquí no hay quien viva’ y ‘La que se avecina’, nel que los actores y actrices d’estes mítiques series televisives van charrar colos asistentes sobro los rellabicos de les mesmes nun alcuentru nel que les rises tán aseguraes. Unu de los momentos más especiales de la Comic Con va ser l’especial Dragon Ball con conteníos, actores y sorpreses n’homenaxe a Akira Toriyama. El conciertu inaugural al cargu de la compañía de percusión xaponesa TaikoMon, conocíos pola so fuerza y movimientos.
La nota musical en Comic Con va venir de la mano de Magape, la famosa pianista y ceadora de conteníu musical, toca covers y loops de temes de videoxuegos, anime y bandes sonores. Per otru llau, Azor Music va ser l’encargáu d’activar el beatboxing nel espaciu con un show y un taller nel que vamos afayar qu’al traviés de la voz pueden crease ritmu, melodíes y efectos de soníu. Asina mesmu, a lo llargo de tola convención va haber un espaciu reserváu pa les asociaciones onde podrá faese semeyes colos sos decoraos, resolver duldes o inclusive faete sociu. Un añu más, l’axedrez volverá tener el so espaciu con distintes actividaes, la moza axedrecista arxentina, Ayelén Martínez que cunta con títulu de maestra internacional femenina (WIM) dende 2013, va charrar colos asistentes y va xugar partíes d’axedrez a palpu y rápides ente los participantes. Los clubes de Ajedrez Ciudad Naranco y Antonio Ricu van ser los encargaos d’averar esta disciplina a los amantes d’esti xuegu. Y de xacíu, los coleccionistes del Cómic esclusivu pueden tar seles porque va haber nueva tirada, pero va haber qu’esperar pa conocer al autor.
Too esto ye una pequena meyora a munchos dibuxantes, actores, actrices, autores, youtubers y conteníos más que se van desvelar los próximos meses. Les esposiciones ocupen xuna parte importante de Metrópoli, anguaño vamos viaxar nel tiempu de la mano de RetroGames y Barbie, 65 años d’hestoria by Chicle de Fresa. RetroGames va alicar la dómina dorada de los videoxuegos; seis estaciones de xuegos retro, restauración en vivu de consoles en mala traza de caltenimientu o xuna colección de xuguetes y merchandising van treslladanos hasta la década de los 80 y de los 90.
Metropolitanas sigue siendo’l llugar d’alcuentru en Metrópoli pa la conversación, les charres y los talleres que fomenten la igualdá de xéneru y los principios de non discriminación. Va Visitar Xixón la influencer Afropoderossa que, con casi 400.000 siguidores en TikTok, da voz a les sos vivencies que son la radiografía de los prexuicios que perviven n’España escontra les muyeres negres. Xuna de les charres más esperaes d’esta edición va ser Ac2ality que, detrás d’esta cuenta con casi cinco millones de siguidores en TikTok y 400.000 en Instagram, tán cuatro moces españoles que se dediquen a informar sobro noticies rellacionaes dende la política hasta l’entretenimientu, utilizando un llinguaxe claru y accesible. La película documental ‘Hijas de Cynisca’ (el deporte femenino fala pola igualdá), de Beatriz Carretero, na que fala sobro la desigualdá de xéneru nel deporte y da voz a muyeres que son referentes, que consiguieron grandes llogros na so carrera y cunten la so propia hestoria. Tres el visionáu del documental va haber un coloquiu cola directora y dalgunes de les protagonistes nel que poder intercambiar testimonios y distintos puntos de vista col públicu.
El preciu de vienta al públicu de les entraes de día ye de 7€, l’abonu pa los diez díes va costar 49,90€ y l’abonu de la Comic Con 21€. Les entraes van salir a la vienta’l martes, 19 de marzu, a les 12:00h.
