Agua de Cuevas facturó un 12% más hasta los 7,8 millones d’euros en 2018

La compañía invirtió 130.000 euros na meyora de les instalaciones y renovación de maquinaria que dexe una mayor flexibilidá de formatos

0
100
Agua de Cuevas facturó un 12% hasta los 7,8 millones d'euros en 2018.

Agua de Cueves facturó 7,8 millones d’euros en 2018, un 12% más que n’exercicios anteriores. La compañía asturiana envasó l’añu pasáu un total de 43,8 millones de llitros d’agua mineral nes sos instalaciones de Felechosa. Na planta envasadora trabayen un total de 16 persones.

Estes resultancies reafiten l’enclín de crecedera d’Agua de Cuevas nos últimos años. L’añu pasáu executóse una inversión de 130.000 euros na planta envasadora col oxetivu principal d’adaptase a les nueves demandes del mercáu d’agües. Esta inversión vien sumase a un proyectu global de modernización del manantial nel que yá s’invirtió más de 1.130.000 euros. «Nos últimos años llevemos a cabu un importante esfuerzu por dotar a Agua de Cuevas del meyor equipamientu pa tar al altor de lo que’l mercáu demanda».

Agua de Cuevas ye líder na canal d’alimentación d’Asturies. Nos últimos años reforzó la so posición nos llineales y desenvolvió una campaña d’acercamientu al consumidor asturianu sol lema ‘N’Asturies curiamos asina’. Esti conceptu reforzóse amás nesti últimu añu con una nueva campaña centrada na ‘Asturoterapia’, un nuevu términu que fai referencia a una forma única de curiase basada na calidá de vida de los asturianos.

Agua de Cuevas forma parte del portfolio d’agües minerales naturales de la corporación Hijos de Rivera. Esta agua asturiano, que naz nel Manantial de Felechosa, en Puertu de San Isidro, se envasa a 800 metros d’altitú. El so baxu conteníu en sodiu conviértela n’ideal pa curiar la salú y practicar deporte.