La edición novena de Gijón Sound Festival, entamáu por Divertia Gijón y producía por Mestizo Producciones, repite celebración nel mes de payares. Va celebrase del 19 al 27 de payares, coincidiendo cola 59 edición del Festival Internacional de Cine de Xixón. Poro, y siguiendo cola tradición collaborativa de dambos dos alcuentros culturales, Gijón Sound Festival va ser la banda sonora del 59FICX.
Gijón Sound Festival ufre, un añu más, una propuesta que xune música de la mano d’artistes llocales, nacionales ya internacionales. Christian Löffler (live), Depedro presentando “Érase una vez”, James Rhodes, Lorena Álvarez y Negrón presentando “Las manos de Orlac” y Sílvia Pérez Cruz presentado “Farsa” son los conciertos yá confirmaos pa esta edición. Nes selmanes vinientes, van ser más los y les artistes que se xunten al festival.
Les entraes de los conciertos van poder mercase al traviés de la páxina web del festival musical, onde yá tan a la venta los que se celebren nel Teatru La Llaboral:
• Depedro presenta “Érase una vez”. Domingu, 21 de payares, a les 12:30h.
• Negrón presenta Las Manos de Orlac. Domingu, 21 de payares, a les 19:30h.
• James Rhodes. Vienres, 26 de payares, a les 21:00h.
• Silvia Pérez Cruz presenta “Farsa”. Sábadu, 27 de payares, a les 21:00h.
El restu les ventes van activase llueu.
Tolos conciertos van adautase a les normes y protocolos Covid-19 afitaos poles autoridaes sanitaries nel momentu de celebración del eventu.
