La rede de biblioteques públiques de los centros municipales de Xixón amplíen el so horariu. Dende’l 6 d’avientu les sales d’estudiu van tar abiertes les 24 hores mientres los fines de selmana. Esti horariu especial va caltenese hasta’l 26 de xineru del añu entrante, coincidiendo cola campaña d’exames oficiales. D’esta manera, los centros municipales d’El Llanu, L’Arena, La Calzada y Xixón Sur van abrir, amás de nos sos horarios habituales, en serviciu 24 hores, dende les ocho de la mañana de los vienres hasta les diez de la nueche de los domingos. Tamién en dellos festivos. La sala d’estudiu de la biblioteca d’El Coto va sigue abierta 24 hores tolos díes del añu, tamién en Nuechebona.
