El Conceyu de Xixón, al traviés de la Oficina de Polítiques d’Igualdá de Xixón y en collaboración coles Vocalías de la Muyer del movimientu vecinal del conceyu, abrió’l plazu d’inscripción del programa Femenín y Plural que se va desenvolver en llinia, énte la imposibilidá de realizar actividaes presenciales. Esti formatu nuevu que caltién l’oxetivu d’ameyorar la calidá de vida de les muyeres y desaniciar l’aisllamientu social que xenera l’andanciu.
Nesi sentíu, el programa, nel so formatu dixital, contribúi a romper la fienda dixital, a afitar conocencies en nueves tecnoloxíes y xenerar autonomía nel usu de les distintes ferramientes de comunicación.
Les participantes disponen d’un programa d’acompañamientu técnicu personalizáu que se realiza telefónicamente y que-yos facilita les pautes pa llevar a cabu la conexón y pa conocer la plataforma dixital.
Les actividaes cunten con una duración total de 16 hores, distribuyíes en 8 sesiones de 2 hores coles siguientes temátiques a desenvolver:
-
- La resiliencia o cómo sobreponese a situaciones adverses.
- Cómo xestionar el estrés y tomar decisiones intelixentes.
- Entrenamientu de la memoria y los sentíos.
- Les pilastres de la salú pa llevar una vida saludable.
- Risoterapia.
- Cuerpu activu, mente en forma…muyeres n’acción.
- Encetar el falsu mitu del amor romántico y les dependencies sentimentales.
- Visionar la representación de la muyer nel arte, con gafes violetes.
Les interesaes tienen d’inscribise primeramente nel teléfonu 985 18 16 33 o nel corréu lletrónicu oficinaigualdad@gijon.es
