La oficina d’información turística de Xixón recibe’l sellu Safe Tourism Certified, que certifica l’afitamientu d’un sistema de prevención de riesgos pa la salú escontra la Covid-19.
Infoxixón algamó’l sellu de calidá Safe Tourism Certified, que lu acredita como espaciu seguru escontra la Covid-19. L’Instituto para la Calidad Turística Española (ICTE) asoleyó esti sellu col envís d’ufrir a les empreses y recursos públicos turísticos una ferramienta pa garantizar el cumplimientu de les midíes hixénicu-sanitaries.
El sellu llógrase dempués de superar una fondera auditoría que garantiza que la oficina d’información turística Infoxixón afitó de forma rigurosa les midíes hixénicu-sanitaries de prevención de riesgos escontra la Covid-19 empobinaes a la proteición de les persones.
Estes midíes permiten identificar, analizar y minimizar los riesgos, arriendes d’afitar les meyores práutiques escontra la Covid-19 pa la seguranza de les persones visitantes y trabayadores nes sos instalaciones y servicios complementarios.
Infoxixón cumple con tolos requerimientos de serviciu nel ámbitu del caltenimientu, llimpieza, desinfeición y proteición de les persones, arriendes de los propios establecíos pol ICTE pa la xestión del riesgu de contaxu.
