Iniciativa llamenta la nula presencia del asturianu en ‘Conecta Gijón’

La organización yá tresllado al Conseyu Asesor de la Llingua la quexa pola ausencia de la llingua asturiana

0
249

L’asturianu nun esiste na campaña ‘Conecta Gijón’. La denuncia fízola esti miércoles l’asociación Iniciativa pol Asturianu. Nuna nota de prensa, la organización denuncia la «nula presencia» de la llingua asturiana na campaña  sobre l’aforru enerxéticu nel paséu de Begoña. «Nin siquier ta presente la toponimia oficial», llamenten.

La organización treslladó’l so maltar al Conseyu Asesor de la Llingua, l’órganu qu’asesora al equipu de gobiernu sobre normalización llingüística. «Sería bien interesante que nuna campaña na cai, interactiva y con tanta visibilidá tuviera presente l’asturianu. L’idioma nun puede quedar solo pa cuestiones dependientes de la Conceyalía de Cultura». L’asociación quier que la presencia de l’asturianu tenga una fonda presencia en tola actividá municipal. Iniciativa pol Asturianu quier que’l plan de Normalización afonde nello. «Ye una pena que’l Conceyu de Xixón desconecte del asturianu na campaña ‘Conecta Gijón'».