La organización remarca la importancia del usu del idioma na so faceta musical y l’afectu que-y tenía a la so llingua materna
Diamantina fizo de la so carrera musical un cantu a la llingua asturiana y taremos siempres agradecíos por ello.
Diamantina Rodríguez, centenaria intérprete de la canción asturiana, morrió esta nueche nuna residencia de Noreña. Foi una les meyores intérpretes de la tonada asturiana sirviendo d’exemplu pa les nueves xeneraciones qu’entamaron tamién a interpretar la canción asturiana. Pola so trayectoria, foi reconocida cola Medalla d’Asturies en el añu 2002.
Conocida popular y directamente como Diamantina foi una muyer importante na cultura asturiana, reconocida y que merez el reconocimientu de tola sociedá. Gracies a Diamantina l’asturianu tuvo presente nos escenarios coles sos actuaciones y amás d’una manera elegante.
Dende Iniciativa pol Asturianu queremos amosar el nuesu pesar pol fallecimientu d’esta gran muyer y d’esta voz al serviciu de la cultura y la llingua d’Asturies. Diamantina fizo de la so carrera
musical un cantu a la llingua asturiana y taremos siempres agradecíos por ello.
