El voceru municipal d’Izquierda Xunida – Más País – Izquierda Asturiana, Javier Suárez Llana, va pidir na Comisión de Seguridá Ciudadana, Tráficu y Participación Ciudadana del próximu vienres la instalación de moblame urbanu na cai Begoña qu’evite l’estacionamientu de vehículos sobre la cera recién ampliada na redolada del colexu públicu Xovellanos.
Suárez Llana recuerda que la intervención na cai Begoña, realizada’l pasáu mes de marzu “tres los repitíos pidimientos tanto de la comunidá educativa del centru como d’Izquierda Xunida”, tenía como oxetivu ampliar l’espaciu piatonal utilizáu pol alumnáu y les families, dotando d’una mayor seguridá a los accesos d’entrada y salida que s’utilicen tanto mientres
la xornada lectiva como n’horariu extraescolar. “Sicasí – esplica’l conceyal – de nada sirve enanchar acerar frente al colexo si en cuenta de utilizala l’alumnáu y les families facer coches y furgonetes, como asocede a diariu desque remató la obra. L’oxetivu yera ganar espaciu piatonal y estancial, nun xuna nueva zona de carga y descarga. Les coses non solo hai que faeles, amás hai que faeles bien”, llamenta.
Por ello, Suárez Llana encamienta al Conceyu a “solucionar de manera inmediata lo que ye yá un problema de convivencia y de seguridá vial nuna redolada escolar”, y critica “la desidia” del Gobiernu local “énte una situación que conoz dende va selmanes tanto al traviés de la comunidá educativa del colexu como d’Izquierda Xunida”. Nesti sentíu, el conceyal d’IX-MP-IAS apuestq por una solución basada na instalación de moblame urbanu, en concretu de bancos y xardineres, que “non solo sirvan como elementu de barrera y separación del espaciu de cera del de calzada, sinón tamién p’apurrir calidá urbana a la redolada escolar nuna cai na que nun hai nin un solu bancu nin solo un árbol”.
