El voceru municipal d’Izquierda Xunida – Más País – Izquierda Asturiana, Javier Suárez Llana, encamentó al Gobiernu local a revisar “de manera urxente, les actuaciones realizaes sobre los baches de l’avenida Schultz. Detectemos que los trabayos de parchéu realizaos pola empresa concesionaria, lloñe de solucionar la problemática agravóla, suponiendo un riesgu pa la seguridá vial, especialmente pa los colectivos más vulnerables como peatones, persones con sielles de ruedes, ciclistes, usuarios de vehículos de movilidá personal o motos”.
Suárez Llana esplica qu’Izquierda Xunida va presentar un ruegu na próxima Comisión d’Urbanismu, Obres Públiques y Medioambiente, que se va celebrar el vienres 16 de febreru, pa pidir un informe de los defectos detectaos na totalidá de l’avenida Schultz. ‘Nun ye comprensible que nun s’actué en tolos tramos de la vía, pero menos comprensible ye qu’a la selmana de rematar los llabores d’arreglu l’estáu del firme tea en peores condiciones,’ señala’l voceru municipal de la coalición. Por ello, dende IX van pidir una evaluación técnica rigorosa, según una actuación que suponga xuna solución duradera y calidable a los problemes que presenta’l pavimentu.
