El reconocíu cantante y compositor dominicanu Juan Luis Guerra 4.40 va presentar en Xixón el próximu 22 de xunetu, dientro de la programación del ciclu cultural Xixón Life. El conciertu va tener llugar nel Parque Hermanos Castro y promete ser una nueche inolvidable pa tolos amantes de la música llatina.
Juan Luis Guerra, con más de 30 años de carrera, ye unu de los artistes más influyentes de la música n’español, conocíu pol so amiestu únicu de merengue, bachata y otros xéneros tropicales. A lo llargo de la so trayectoria, collechó múltiples premios, incluyendo dellos Latin Grammy, y conquistó los escenarios de too el mundu col so carisma y talentu inconfundible.
Esti esperáu conciertu va tener un significáu especial pa la ciudá, una y bones Juan Luis
Guerra ye recordáu pol so míticu conciertu nel estadiu de Les Mestes en 1991, onde rexuntó a más de 30.000 persones. Aquella actuación dexó una buelga imborrable nos y nes xixoneses, quien siempres guardaron un ciñu bien especial pol artista y la so música.
El recital de Juan Luis Guerra zarra la programación de Xixón Life 2025, un ciclu cultural que cuntó con una propuesta variada y d’alta calidá. Amás, el ciclu va siguir con dos conciertos destacaos: el 16 de xunetu, cuando’l llexendariu Joaquín Sabina xuba al escenariu (entraes escoses) na so xira de despidida, y el 26 de xunetu, cola actuación de Leiva.
