XX5 ye’l discu col que Kaotiko celebra’l so 25 aniversariu. Asina lo presenten: «Y de sópitu XX5, un álbum col que KAOTIKO queremos celebrar el nuesu venticinco aniversariu. Un nuevu discu con 25 temes regrabaos y revisitaos de nuevu n’estudiu y col que, dende la banda, queremos remembrar tola nuesa dilatada trayectoria, marcada pola entrega, el compromisu y cómo non, per gran parte de los himnos que nos definieron y marcaron la nuesa carrera a fueu.
Un cuartu de sieglu puede sonar a enforma tiempu, pero pa nós esi tiempu pasó volando. Fueron miles de quilómetros, infinidá d’anécdotes, cientos d’escenarios y d’amistaes que nos dio, hasta agora, esto de la música. A los nuesos llombos queden los bonos momentos y dalgunos non tan bonos. Pero, sobre manera, ye la nuesa forma de vida, la que nos fai cimblar y la que nos fai tener ganes de siguir palantre. Ensin llendes.
Por toos estos motivos, en XX5 quixímos afigurar esti homenaxe tan especial pa nós. Arrexuntando estes temes col nuesu soníu evolucionáu, les nueses variaciones de directu y cola meyor versión de nós mesmos. Una selección de 25 cantares que marcaron esti camín, unu amiestu inesplicable de sensaciones y una enerxía peligrosamente perenal cola que dende KAOTIKO queremos que los oyentes puedan viaxar nel tiempu y caminar al pie de nós escontra lo que se vien agora: una serie de conciertos únicos y de los que vos diremos informando adulces.»
D’esta manera, la banda vasca va facer parada en Xixón el 15 de marzu viniente, faciendo gala de los motivos polo que la banda trunfó nos últimos 25 años. Va ser na Sala Acapulco a partir de les 21:30 hores, con Enemia como banda convidada.
