La cai Doctor Fleming reabre al tráficu

La vía tuvo zarrada al tráficu por mor de les obres de conexón de los colectores qu'escurren pela Avenida del Molinón

0
559

La cai Doctor Fleming reabre esti llunes al tráficu. La vía tuvo zarrada al tráficu por mor de les obres de conexón de los colectores qu’escurren pela Avenida del Molinón col pozu de tormentes del parque Hermanos Castro. Estos trabayos consisten na comunicación de dambos puntos al traviés de la construcción d’una tubería que crucia’l ríu Piles y que conecta col tanque final. Les obres caltuvieron esta vía cortada dende l’encruz cola Ponte Inglesa.

Coles mesmes, nesti periodu, tamién se realizaron les actuaciones necesaries pa la restitución de la cai a la so situación orixinal. Estos llabores consistieron, principalmente, en reconstruyir el muriu de la marxe derecha del ríu Piles; en reponer la rede de saneamientu y allumáu; y en reparar ceres, bordiellos y firme. D’esta miente, una vegada reemplazada la señalización horizontal y vertical y la puesta en funcionamientu de los semáforos, mientres la xornada de güei va quedar restablecíu’l tráficu por dicha cai.