El curtiumetraxe de David P. Sañudo La colcha y la madre, que distribúi Llaboral Cinemateca, sigue algamando ésitos y acaba d’alzase col premiu a Meyor Guion nel Fiestival Internacional de Cine d’Alcalá d’Henares ALCINE, qu’esti añu cumple’l so 50 aniversariu convirtiéndose n’ún de los certámenes más lonxevos del panorama audiovisual español.
Nun ye l’únicu galardón obteníu pola obra, que recibió’l premiu a Meyor curtiumetraxe y Meyor Actriz (con Nieve de Medina), nel Festival Internacional de Curtiumetraxes CINESAN (Asturies). Esti últimu proyectu de Sañudo sigue acumulando selecciones y, tres participar en reconocidos certámenes como’l Abycine, Rafal en Corto n’Alicante o Festival de Cine Inclusivo de Vigo, va poder vese nos prósimos meses nos festivales internaciones de cine de Almería y Zaragoya, nel Festival Internacional de Curtiumetraxes Hayah de Panamá o nel Usak Short Film Festival de Turquía.
