28/03/2022.- La compañía Saltantes Teatro va preparar la obra Misery de William Goldman, basada na novela de Stephen King, nel Teatru de la Llaboral el 29 y 30 de marzu, espectáculu que se va estrenase el 20 d’abril nel Teatro Palacio Valdés d’Avilés.
Luis Alija como Paul Sheldon, Nerea Vázquez como Annie Wilkes y Carlos Dávila como’l Sheriff Buster protagonicen la obra producida por Saltantes Teatru y empobinada por Andrés Dwyer, director asturianu afincáu en Madrid. Los protagonistes y el director de la obra van tar disponibles y van atender a los medios comenenciudos esti martes 29, a les 13:30 hores, nel Teatru de la Llaboral.
Misery ye l’adaptación teatral de William Goldman sobro la novela Stephen King que lleva’l mesmu nome, xuna pieza de terror psicolóxico na qu’un esitosu escritor de noveles romántiques, Paul Sheldon, sufre un grave accidente mientres conduz mientres una nevarada. Al espertase atópase en casa de Annie Wilkes, xuna enfermera que-y rescató y que-y ufierta abelugu mientres se recupera de les sos feríes. Annie confiésa-y ser una gran almiradora de la saga de noveles de Misery Chastain, creada por Paul. Pero en pasando unos díes na so casa, l’escritor empieza a preguntar si ta a salvo con ella.
El Método Grönholm, Gigantes, el musical, MOBA-Juegos de guerra, Casting o El Jorobado son dalgunes de les producciones de la compañía asturiana Saltantes Teatru, fundada en 2013 por Luis Alija y Nerea Vázquez. Amás, en 2018 estrenaron al pie de otres trés compañíes Horror, el show que nunca se debió faer, proxecto gracies al cual crearon L’Aurio Producciones Artístiques, marca cola que llevaron a cabu la producción de
Corín Tellado, el espectáculo, Los Tuñón y Swingers.
Saltantes Teatro ta trabayando na Llaboral nel marcu del «Programa de Residencias del Centro de Recursos Escénicos del Principado de Asturias», un proyectu con sede en Laboral Ciudad de la Cultura qu’ufierta sofitu a la creación artística de les compañíes profesionales asturianes, poniendo a la so disposición recursos económicos, instalaciones y medios técnicos qu’impulsen la creación escénica de profesionales d’Asturies. Laboral Ciudad de la Cultura ye un equipamientu dependiente de la Conseyería de Cultura, Política Llingüística y Turismu y xestionáu pola Sociedad Pública de Gestión y Promoción Turística y Cultural del Principáu d’Asturies.
