La Conseyería de Salú destina esti añu 190.000 euros a ayudes pa asociaciones de pacientes con enfermedaes cróniques. El Boletín Oficial del Principáu (Bopa) publica güei esta convocatoria de subvenciones, que’l so presupuestu aumenta en 10.000 euros respecto al exerciciu pasáu.
Los fondos destinense a entidaes y fundaciones ensin ánimu d’arriquecimientu que desenvuelven el so llabor con pacientes y familiares d’enfermos crónicos por aciu actuaciones d’información, orientación, sofitu o rehabilitación. L’añu pasáu, 52 asociaciones beneficiaronse d’estes ayudes.
La medría de los fondos pa esti añu demuestra’l firme compromisu del Gobiernu d’Asturies de siguir collaborando con estos colectivos y sofitar les sos iniciatives.
Les organizaciones tienen 15 díes arteros, a partir de güei, pa presentar les sos solicitúes al traviés de la see electrónica del Principáu https://sede.asturias.es, introduciendo’l códigu AYUD 0216T01 de la ficha de serviciu.
