La Empresa Municipal d’Agües del Conceyu de Xixón va presentar el proyectu denomináu EMA 360 pa la Implantación d’un modelu integral de xestión del ciclu de l’agua nel conceyu a les ayudes PERTE del Plan de Recuperación, Tresformamientu y Resiliencia del Gobiernu central.
En concretu, la entidá aspira a consiguir fondos PERTE de digitalización del ciclu de l’agua, una convocatoria de subvenciones en concurrencia competitiva de proyectos para la meyora de la eficiencia del ciclu urbanu que dexe avanzar nel cumplimientu de los oxetivos ambientales marcaos.
El proyectu cunta con un presupuestu total 14.110.000 euros, que se va desenvolver en cuatro llinies de trabayu interrelacionaes:
Diagnósticu, modelización y planificación (estratexa).
Automatización, control y eficiencia de la rede de suministru.
Automatización, control y eficiencia de la rede de saneamientu.
Xestión intelixente d’activos. Sala de control virtual.
Enmarcaes nestes llínees de trabayu contémplense 16 actuaciones que van dende la planificación estratéxica, la hidroeficiencia de les redes de suministru y saneamientu hasta la xestión intelixente d’activos. D’esta miente, podrán acometese diches actuaciones (descrites nel siguiente cuadru) con un enfoque integral y sistémico: toma de datu-conocimiento, inxeniería, tecnoloxíes necesaries para l’analís, la planificación de midíes, la execución d’infraestructures ya instalaciones, según procesos d’operación, siguimientu y control que formen parte de la xestión del ciclu d’usu del agua.
