La escavación arqueolóxica nel Chao Samartín, en Grandas de Salime, descubrió una nueva construcción xunto a la domus romana: una edificación de planta elíptica y accesu llosáu que se cree foi usada como espaciu funerariu mientres la dómina medieval.
Los arqueólogos Diego Piay y Juan Ramón Muñiz, coordinadores de los trabayos, informaron sobre los primeros afayos, ente los que destaca l’usu funerariu al que paez destinase la edificación, según revela l’enterramientu infantil alcontráu nel so centru, empobináu d’este a oeste, y que se suma a les cerca de mediu centenar de sepulturas documentaes en campañes anteriores.
La campaña, que cunta anguaño con una dotación de 17.744 euros per parte de la conseyería, en collaboración col conceyu, va siguir col estudiu de les pieces singulares y l’análisis antropolóxicu de los restos alcontraos. Amás, ta prevista la incorporación d’estos afayos al área visitable del Chao Samartín, col fin de que les meyores na investigación arriquezan la interpretación del xacimientu.
