La Federación d’Asociaciones Vecinales de Xixón protesta pol estáu de l’Avenida Principe d’Asturies na entrada a La Calzada y Cuatro Caminos. L’asociación refuga con rotundidá «la enllargada situación de vía nacional que dexa l’alta velocidá en parte de los sos tramos, col consiguiente peligru pa usuarios piatonales, vehículos de movilidá personal non motorizada y bicis que por ella circulen yá que ye’l camín de comunicación ente dos zones bien poblaes de la ciudá: per un sitiu el sur, el Llano y Pumarín, y pol otru la zona oeste de Xixón y los polígonos industriales.
Gobiernu d’Asturies y Xixón han conmprometese, dicen, a qu’esta vía nacional pase a ser local ensin qu’esto se produza. Argumenten que lleven asina munchos años, «tantos como la esperada solución de los accesos viales al Puerto, de nuevu paralizaos, o la solución del Plan de Víes. Munchos años onde’l PXO nun puede intervenir. Munchos años onde los
únicos perxudicaos son los vecinos y vecines de Xixón.
Al traviés del comunicáu, l’asociación esixe a la nueva directora del Puertu, Nieves Roqueñí, que faiga verdá les sos pallabres de sostenibilidá y llimpieza tamién no que suponen los accesos.
