Esti vienres 19 d’abril ente les 16.00 y les 19.30 hores va tener llugar nel Aulariu 1 del Campus del Milán un eventu p’amosar l’arte emerxente asturianu. Diez artistes, 6 d’ellos y elles estudiantes universitaries y 4 que yá tán llabrando les sos carreres artístiques van esponer dellos de los sos trabayos de diverses disciplines como la fotografía, la pintura, la ilustración o los mecanismos vexetales.
L’oxetivu del eventu, en llinia cola propuesta del colectivu universitariu “Amigas de Lo Ajeno”, ye reactivar la vida cultural del campus. La participación de “Emerxentes” promueve un intercambiu ente la universidá y la industria emerxente del que dambes partes veanse beneficiaes. Trátase, amás, d’un alcuentru interxeneracional y multidisciplinar.
La entrada ye llibre y gratuita y va cuntar con un pequeñu pinchéu por cortesía del nuesu patrocinador, Panrís.
Les artistes participantes son:
-
Rizos Retrofuturistas (fotografía)
-
Ce Pandiella (ilustración)
-
Diego Jaén (dibuxu)
-
Asturkilla (fotógrafía)
-
Espacio Garabatu x Raquel Requejo (espaciu creativu ya ilustración)
-
David Marcos Elena (pintura)
-
Lucia Batalla (artes plástiques)
-
Lourdes Muñiz Banciella (pintura y fotografía)
-
Alicia García (pintura)
-
Posfatality (pintura)
