El pasáu 7 de xunetu entamó la Comic Con, l’eventu más esperáu polos amantes del cómic y el manga, y onde esa mesma tarde llevóse a cabu nel Anfiteatru del Palaciu de Congresos, la presentación y firmes del cómic Marvel esclusivu, realizáu cola collaboración de Panini Comics. Los asistentes a esta presentación tuvieron la oportunidá de ser los primeros en tenelo nes sos manos, amás de llevase dos litografíes inédites, que tamién se fixeron puramente para esta Comic Con.
A la presentación y sesión de firmes allegaron los invitaos Bernard Chang, Yildiray Cinar, Sergio Dávila, Larry Hama, Jordi Tarragona y Salva Espin, toos ellos participantes nestes portaes y litografíes.
El cómic ta compuestu por 34 páxines y tien 3 portaes distintes realizaes por 3 de los invitaos. La primera d’elles correspuende a un homenaxe a una portada mítica de Thor, Journey Into Mistery 83, de Yildiray Cinar, y onde s’amuesa La Llaboral.
La segunda portada ye de Bernard Chang y fai homenaxe a The Mighty Thor 126, col miradoriu del cabu San Llorienzo de fondu. La tercer portada, perteneciente a Salva Espín, amuesa de fondu l’escenariu de Metrópoli d’esta edición.
Amás anguaño desvelóse la portada inédita que l’añu pasáu nun pudo amosase, y que ye perteneciente al autor Salva Espín, y amuesa a Deadpool, Spiderman y Loki, al pie de la ilesia de San Pedro.
Tamién s’amuesen 2 litografíes, una d’elles faciendo homenaxe al GI Joe nº 21, onde se representa la colexata de Juan Bautista y el famosu árbol de la sidra, de Larry Hama, y l’otra de Sergio Dávila, col Aponderamientu del Horizonte. Estes litografíes van tener una única impresión de 150 copies que van dir numberaes.
Ensin dulda esta ye la edición Marvel más llindada del mundu con tan solo 350 exemplares de cada portada, que fueron secretes hasta’l momentu de la presentación.
Nel stand de Metrópoli, dientro del pabellón central, onde s’alluga la Comic Con, vas poder atopar los exemplares d’estos cómics y litografíes, amás d’exemplares d’ediciones anteriores para los coleccionistes del cómic esclusivu Marvel de Metrópoli.
