La militancia d’IX sofita’l preacuerdo de Gobiernu col PSOE

El 92,22% de los participantes na consulta sofita la entrada d'Aurelio Martín como conceyal de Movilidá

0
663

Lluz verde al alcuerdu de gobiernu de PSOE ya IX. La militancia de la coalición dio’l vistu bonu a la entrada d’Aurelio Martín nel equipu de Gobiernu como conceyal de Movilidá y Mediu Ambiente. La consulta celebrada esti domingu tuvo marcada pola baxa participacion. Un total de 180 persones exercieron el so derechu a votu d’un total de 785 llamaos a participar, el 22% del total. La resultancia del escrutiniu reflexó qu’un 92,22% de votos a favor del la propuesta, el 6,66% votó en contra, y el 1,11% votaron pola astención.

Faustino Sabio, coordinador local, valoró la resultancia de la consulta positivamente: «El conxuntu d’IX Xixón manifestóse por abrir un nuevu ciclu políticu d’esquierdes na ciudá y empobinala escontra’l desenvolvimientu de polítiques centraes n’ameyorar la vida del conxuntu de la ciudadanía, dar respuesta a los retos económicos, ecolóxicos y sociales que tienen güei les nueses sociedaes, y pallo consideraron indispensable la participación d’IX nel Gobiernu de Xixón».