La nueva propuesta artística de la OSPA, unu de los grandes referentes sinfónicos del noroeste peninsular, refuerza’l so compromisu col espardimientu de la música sinfónica por tol territoriu. Nesta llinia, l’órganu de dirección tamién dio lluz verde al programa OSPA de cerca, una iniciativa que va llevar la música sinfónica a diversos conceyos mientres el mes d’agostu. Esta propuesta busca averar el repertoriu orquestal a nuevos públicos y escenarios singulares, coles siguientes actuaciones programaes:
- Parres. Polideportivo municipal de Les Arriondes, 6 d’agostu a les 19:30 hores.
- Ribadeva-Val de San Vicente. Auditoriu Baxu Deva, n’Unquera, 7 d’agostu a les 19:30 hores.
- Bimenes. Esplanada de la Casería del Palaciu, en Martimporra, 8 d’agostu a les 19:30 hores.
- Xixón. Teatru Xovellanos, 21 d’agostu.
- Salas. Colexata de Santa María La Mayor, 22 de agosto a les 19:00 hores.
- Pezós-Grandas de Salime. Central Hidroeléctrica de Salime, 23 d’agostu a les 19:00 hores.
Asinamesmo, el programa OSPA de cerca Brass, centráu nel repertoriu pa metales, va ufiertar una serie de conciertos en primavera de 2026, ampliando la presencia de la orquesta pola comunidá y diversificando la so propuesta artística. Les actuaciones previstes son:
- Corvera. Teatru El Llar, en Les Vegues, 15 d’abril de 2026.
- Siero. Auditoriu de La Pola Siero, 16 d’abril de 2026.
- Llangréu. Nuevo Teatru de La Felguera, 17 d’abril de 2026.
Pela so parte, el ciclu OSPA de Cámara va ufiertar mientres esti añu y el próximu ocho conciertos n’espacios culturales d’otros tantos conceyos. Les actuaciones van tar protagonizaes por formaciones de cámara integraes por músicos de la mesma orquesta, coles mires de fomentar la cercanía col públicu y poner en valor el talentu individual de los sos integrantes. Les feches y allugamientos previstos son:
- Llaviana. Casa de Cultura de La Pola Llaviana, 18 d’ochobre de 2025.
- Piloña. La Benéfica de L’Infiestu, 15 de payares de 2025.
- Navia. Casino de Veiga, 17 de xineru de 2026.
- Ayer. Teatru Cine Carmen de Morea, 14 de febreru de 2026.
- Samartín del Rei Aurelio. Teatru Municipal de L’Entregu, 21 de marzu de 2026.
- Quirós. Casa de Cultura de Bárzana, 25 d’abril de 2026.
- Muros de Nalón. Casa de Cultura, 15 de mayu de 2026.
- Sotu’l Barcu. Teatru Clarín de Sotu, 20 de xunu de 2026.
