El circuitu de Pump Track allugáu n’El Polígono ta enllenu grietes. L’asociación de vecinos del barriu denunció nes redes sociales la situación d’esta pista, que foi inaugurada va menos de cinco meses. El conceyal d’Obres Públiques, Olmo Ron, visitó esti miércoles la pista xunto al presidente de l’Asociación de Vecinos d’El Polígono, Manuel Cañete, para comprobar l’estáu de la mesma. La empresa axudicataria de la so construcción, Pavitex 2010 SL, va revisar el llunes los desperfectos causaos en dicha pista.
Ron esplicó que les obres, axudicaes n’ochobre por 46.457,95 euros, atópense entá dientro del períodu de garantía d’un añu reflexáu nel contratu. Coles mesmes añadió que los defectos de la pista fueron puestes en conocimientu de la empresa el pasáu 19 de xunu y, concluyendo el plazu d’un mes que se-y dio pa iguales, espera qu’éstes s’acometan de manera inmediata.
