La banda asturiana de fusión, La Tarrancha, fai 20 años na carretera y nos escenarios dende que nel 2003 fixeren la so primer grabación d’estudiu. Poro, que la xira del 2023 va llamase VENTI. Amás de la xira de dichu nome, VENTI va ser sinónimu del llanzamientu de distintos trabayos espardios a lo llargo l’añu.
La Tarrancha tien un de los direutos más dinámicos y baillables del panorma musical asturianu, faciendo baillar a públicu de lo más heteroxéniu. Anque yá tienen dalguna fecha confirmada, con xineru, arranca la campaña de contratación de La Tarrancha, que como siempre, lleva la firma 100% llibre SGAE.
Venti años dan pa muncho y pa poco, asi ye que pol grupu pasaron un montón músicos, hebo mil anécdotes, kilómetros de carretera, penes, allegríes, seis discos, más dellos compilatorios con cantares específicos para ellos, senciellos… Y sobremanera munches amigues y amigos nel camín. VENTI ye’l compendiu de too eso.
Estos díes, coincide qu’acaben de ser nominaos a los Premios AMAS na categoría de Direutu.
