A finales del 2022, la banda asturiana La Tarrancha, realizaba un conciertu nel Teatru Vital Aza de L.lena, col nome Camín de Venti. Nel 2023, la banda diba cumplir 20 años enriba los escenarios y arrancar una xira de 20 conciertos col nome de VENTI. Esti cociertu de calentamientu foi una xuntanza con antiguos miembros de la banda y collaboradores habituales, asi como con un públicu al que-yos xune munches coses. Agora, depués de taner terminao la xira VENTI, preséntennos una selección de bona parte de los temes interpretaos aquél día y que ya ta disponible na rede. Un repertoriu que fai una repasu a esos venti años de la banda, nel que s’inclúin temes que diba años que La Tarrancha nun tocaba. Esti album, que nun va asoleyase en formatu físicu, ye a cencielles, una forma de tener constancia d’esi alcuentru cargáu de sentimientos y emociones ente amigos y amigues, musicos y públicu.
El directu, quedó rexistráu polos técnicos de La Tarrancha, Ruboh y Zeros Gutierrez y, entemecíu y masterizáu por Zeros en ZLAudio. A la cita nun pudieron dir tolos collaboradores invitaos, pero ente les collaboraciones presentes en Camín de Venti, tán les de Nano a la guitarra, Simón San Jose, que tamién foi batería de La Tarrancha, Paco Caleru al baxu, Dani Alvarez, a les flautes, buzuki y gaita. Nel de Purnea, a la guitarra acúsitica y gaiteros gaiteres y percusionistes de la BG Villaviciosa.
Va poco, La Tarrancha anunciaba la so campaña de contratación pal 2024, añu nel que tienen yá delles feches garraes.
