Esposiciones, alcuentros con espertos, visites guiaes, cine y conferencies conformen el programa de la segunda edición de La Casa Abierta, una iniciativa cola que la Universidá d’Uviéu pretende convertir el so Edificiu Históricu nun recintu inclusivu y abiertu nel que la comunidá universitaria y la sociedá asturiana puedan atopase y arriquecese mutuamente.
Esta segunda edición de La Casa Abierta, que se consolida tres l’ésitu alcanzáu nel cursu pasáu, apurre, como novedá, la estensión de les actividaes mientres cuatro meses: ente setiembre y avientu. La Casa Abierta, impulsada pol Vicerrectoráu d’Estensión Universitaria y Proyección Cultural, estrénase mañana martes, 26 de setiembre, con un alcuentru col poeta español, d’orixe británicu, Ben Clark.
La programación prevista para esti cuatrimestre ye la siguiente:
Setiembre:
- Martes, 26, a les 19:00 hores. Alcuentros en La Casa Abierta. Ben Clark. Recital Poéticu
- Miércoles, 27, a les 19:00 hores. Conferencies en La Casa Abierta. Ben Clark. El legáu poéticu d’Antonio Gala.
Ochobre:
- Martes, 3, a les 19:00 hores. Esposiciones en La Casa Abierta. Presentación del Catálogu de l’amuesa Geometrías, cola presencia de los artistes, el comisariu de la esposición, Santiago Martínez, la catedrática d’Hestoria del Arte Soledad Álvarez, y la vicerrectora d’Estensión Universitaria y Proyección Cultural, María Pilar García Cuetos.
- Martes, 10, a les 18:30 hores. Visites guiaes del públicu a La Casa Abierta, coordinada pola esperta en Protocolu y Patrimoniu de la Universidá d’Uviéu, Ana Quijada.
- Miércoles, 11, a les 19:00 hores. Alcuentru col públicu de la Fundación Ópera. Il Tabarro (Puccini) / Gianni Schicchi (Puccini).
- Martes, 24, a les 19:00 hores. Esposiciones en La Casa Abierta. Inauguración de la esposición del escultor Agustín García Benitu.
- Llunes, 23, a les 13:00 hores. Visites del personal docente ya investigador y del personal d’alministración y servicios a La Casa Abierta, coordinada pola esperta en Protocolu y Patrimoniu de la Universidá d’Uviéu, Ana Quijada.
Payares:
- Miércoles, 8, a les 19:00 hores. Cine en La Casa Abierta. Presentación del curtiu de Marín Franco La Serrana, una hestoria de putes, sobro la esplotación y el tráficu de muyeres.
- Vienres, 17, a les 19:00 hores. Alcuentru col públicu de la Fundación Ópera. Goyesques (Enrique Granaos) / El Retablo de Maese Pedro (Manuel de Falla).
- Miércoles, 29, a les 19:00 hores. Alcuentros en La Casa abierta. El patrimoniu español y la guerra civil. Arturo Colorado Castelary (catedráticu eméritu d’Arte y Comunicación na Facultá de Ciencies de la Información de la Universidá Complutense de Madrid y Ana Quijada, esperta en Protocolu y Patrimoniu de la Universidá d’Uviéu.
Avientu:
- Martes, 12, a les 19:00 hores. Esposiciones en La Casa Abierta. Inauguración de la esposición del artista Fermín Santos.
- Miércoles, 13, a les 19:00 hores. Alcuentru col públicu de la Fundación Ópera. La Traviata (G. Verdi).
- Miércoles 13, a les 19:00 hores. Conferencies en La Casa Abierta. Mabel Lozano, escritora, directora y actriz de cine y televisión, ufierta la conferencia La esplotación y tráficu de muyeres.
La vicerrectora d’Estensión Universitaria y Proyección Cultural destaca que, con esti conxuntu d’actividaes, “aspiramos a que la nuesa Casa Abierta seya un espaciu nel que toles persones puedan vese reflexaes”. “Tres l’ésitu de la primer edición, queremos consolidar La Casa Abierta como un espaciu públicu de convivencia ya inclusión social y onde quien nos visiten puedan interactuar, participar y esperimentar vivencies significatives, seyan cualos seyan les sos característiques funcionales o cognitives, la so edá o les sos conocencies”, conclúi García Cuetos.
