Va entamar el 24 de febreru y va rematar el 23 de marzu.
La Xunta de Gobiernu, nel conceyu celebrráu esti miércoles de forma telemática, aprobó un segundu periodu de truecu colos 16.329 bonos del programa Bonos Xixón non consumíos nel primer mes de campaña, afitáu ente l’ente’l 27 d’avientu de 2022 y el 26 de xineru de 2023. Podrá faese usu d’ellos mientres un mes, ente’l 24 de febreru y el 23 de marzu.
Tal que establecen nes bases, aquellos establecimientos que trocaren menos o igual del 25% de los bonos disponibles nel entamu del primer periodu, van quedase col 50% de los bonos que-y correspondieron primeramente y van redistribuise de forma equitativa ente los negocios que trocaren igual o más del 75% de los bonos asignaos (516 negocios).
Una vegada analizáu’l balance na Comisión de Valoración celebrada’l 8 de febreru, compruébase que del total de los 16.329 bonos pendiente de truecu, 8.378 son d’establecimientos qu’entá nun escosaron los sos bonos y van siguir disponiendo d’ellos, ente que 7.951 son los que van redistribuise, a razón de 16 bonos a caún de los 211 establecimientos qu’escosaron primero los bonos que-yos correspondíen nel primer periodu, y de 15 bonos a caún de los 305 establecimientos siguientes.
