La esposición qu’axunta l’universu creativu audiovisual y neo-folclóricu del aclamáu artista Premiu Nacional de les Músiques Actuales 2023, Rodrigo Cuevas, podrá visitase a partir
del 17 de mayu de 2024 en Llaboral Centru d’Arte.
El diseñu xeneral de la gráfica pa la esposición Rodrigo tien una inspiración Pop Art, y xuega con una imaxe reconocible pero despersonalizada de Rodrigo Cuevas que la so presencia invade’l conxuntu del diseñu. L’estilu a la d’ilustrar la cara de Rodrigo al traviés del puntillismo o bitmap fai que cuanto más llueñe te asities de la semeya más nítida veas la so figura, de tal manera qu’el mesmu espectador pueda xugar cola esposición inclusive antes de visitala.
Quien asistan a esta esposición van ser invitaos/as a entemetese nes fondures del universu Cuevas, pero nun van salir indemnes d’ello yá que con esta esposición vamos honrar, con Cuevas, la teoría y práctica del transformismo como una fuerza d’indagación libidinal pa la rexeneración del pensamientu d’un mundu en procesu de cambéu.
