Laboral Ciudad de la Cultura acueye la esposición L’ancestru de l’artista asturiana Covadonga Valdés Sobrecueva y comisariada pola galería Arancha Osoro,que podrá vese na Recepción y na Sala de Prensa del espaciu. Llaboral Ciudá de la Cultura ye un equipamientu dependiente de la Conseyería de Cultura, Política Llingüística y Turismu y xestionáu pola Sociedá Pública de Xestión y Promoción Turística y Cultural del Principáu d’Asturies.
L’árbol ye la tema principal y l’únicu protagonista d’esta serie de dieciséis pintures (olios sobro tela) y actúa como una representación ideolóxica d’un paisaxe políticu contemporáneu. Los árboles representaos apuerten a espresiones visuales inspiraes na cultura europea y mitoloxía asturiana, amás de formes atopaes nos más fondos escondites de los montes asturianos.
Covadonga Valdés Sobrecueva, que vive y trabaya ente Asturies y Londres, sigue con esta amuesa la so trayectoria paisaxista nel so país d’orixe, atopando nestos monumentos vivos nuevos mitos, seres que nos espierten nel mesmu suañu.
La esposición L’Ancestru forma parte del circuitu d’artes visuales de Asturies, Cultura en Rede. L’amuesa, con entrada gratuita, puede visitase tolos díes dende güei, 1 d’agostu, y hasta el 11 de setiembre.
Laboral Ciudad de la Cultura incorporóse amás apocayá al Conseyu Internacional de Museos (ICOM), organización internacional con más de 40.000 miembros en 141 países dirixida al caltenimientu, caltenimientu y comunicación del patrimoniu natural y cultural del mundu, presente y futuru, tanxible ya intanxible. Los miembros del ICOM participen n’actividaes nacionales, rexonales ya internacionales de la organización como congresos, xornaes o formación y pueden esfrutar de descuentu na visita empuesta a la Llaboral y, puntualmente, en delles de les actividaes programaes na cortil.
