Paula Nishijima va desenvolver n’Asturies la investigación artística del so  proyectu
Plug-in Habitat. L’artista va inspirase na naturaleza pa  crear hábitats interconectaos. Al traviés del «biodiseño-imaxinativu»,  Nishijima va utilizar como modelos llantes que sirven d’abelugu a otres especies o que tienen propiedaes pa afaese a los cambeos ambientales. L’artista va imaxinar les posibles arquitectures del futuru,  construcciones modulares que podríen acoplase a otru/otros  organismu/organismos y conectase ente sí.

Plug-in Habitat constitúi un superorganismo compuestu de delles partes que se rellacionen ente sí de forma simbiótica, afaciéndose  xuntes a los cambeos de la redolada.

L’artista va collaborar cola arquitecta asturiana Marlén López,  Directora de Llaboratoriu Biomimético, un espaciu d’investigación y  formación en Llaínes. El Parque Natural de Redes va ser el llugar nel  que dambes entamen la so investigación. Darréu Nishijima va trabayar  nel fabLAB de Llaboral Centru d’Arte para fabricar estes estructures adaptatives que se van presentar al públicu como una instalación audiovisual.