L’Asociación Vecinal Evaristo San Miguel del Polígono de Pumarín convoca la primer edición del Certame Lliterariu Semando pallabres. Cualesquier persona que lo desee va poder participar nel concursu, con un microrrellatu d’un máximu de 500 pallabres escritu n’asturianu o castellán, orixinal ya inéditu, que nun fuere espublizáu en nengún soporte impresu nin dixital y que nun fuere premiáu en nengún otru concursu lliterariu.
Los participantes van poder presentar una única obra, de tema llibre. Establécense trés categoríes, por edaes: Infantil, hasta once años; xuvenil, de doce a diecisiete años y adulta, de dieciocho años n’adelantre.
La obra tien de ser unviada per corréu lletrónicu a sembrandopalabras21@gmail.com, indicando nel asuntu’l mensaxe: Certame Lliterariu Semando pallabres.
Nel corréu tendrá que s’axuntar dos archivos de Word o PDF: el primeru sedrá’l microrrellatu (ensin referencia dalguna a la identidá de l’autora o autor de la obra), y el segundu tien de llevar como única denominación Plica+el títulu del microcuentu, y nel interior figurarán el nome y apellíos, la dirección postal, el corréu electrónicu y el teléfonu de contactu del autor o autora de la obra.
L’almisión d’orixinales pieslla a les 24 hores del día 15 d’abril de 2021. El xuráu que va valorar los trabayos tará formáu por persones venceyaes a la lliteratura, la docencia y el movimientu vecinal. Los sos nomes fadránse públicos de forma simultánea al fallu de premios d’este certame.
