L’Axencia de Seguridá Alimentaria, Sanidá Ambiental y Consumu detectó incumplimientos de la normativa sanitaria nel 8,2% de los controles que realizó l’añu pasáu. En 2022, esti órganu llevó a cabu 9.312 inspecciones sobre un censu de 14.117 establecimientos que derivaron en 5 suspensiones cautelares d’actividá y 390 espedientes sancionadores, de los que 150 correspuenden a empreses alimentarias. Tamién analizó 641 amueses d’alimentos.
El sector de la restauración encabeza los incumplimientos, con un 72%, siguíu polos supermercaos (11,2%) y les carniceríes ya industries cárniques (6,5%).
La Conseyería de Salú sopelexa estos datos con motivu del Día Mundial de la Seguridá Alimentaria, que se conmemora mañana, 7 de xunu. La Organización Mundial de la Salú (OMS) y l’Organización pa l’Alimentación y l’Agricultura (FAO) busquen con esta celebración concenciar de la so responsabilidá a la ciudadanía, los gobiernos y les empreses alimentarias. Cerca de trés millones de persones muerren cada añu nel mundu de resultes de les más de 200 enfermedaes tresmitíes polos alimentos y l’agua.
Nesta ocasión, el lema escoyíu foi Les normes sobro seguridá alimentaria salven vides, que recuerda la importancia de conocer y faer respetar los criterios sobro seguridá alimentaria dende la producción d’alimentos hasta’l consumu. Les normes empobinen a el llabradores y ellaboradores sobro la manipulación hixénica de los alimentos pa evitar infecciones. Tamién definen los niveles máximos d’aditivos, contaminantes, borrafes de plaguicidas y melecines veterinaries que pueden consumise con seguridá. Amás, tienen un impactu directu na salú de les persones y salven vides.
