L’ayuntamientu de Xixón va reducir el númberu de taxis en serviciu a la metá, tal y como solicitaron les asociaciones mayoritaries del sector qu’engloben a más del 90 per cientu de les llicencies municipales.
Tratase d’una midida que yá adoptó’l Gobiernu llocal nel estáu d’alarma del pasáu mes de marzu col oxetivu de reducir los efectos negativos que la crisis sanitaria ta teniendo sobre’l gremiu. D’esta forma, les llicencies de taxi municipales van circular en díes alternativos según el númberu de la so terminación, esto ye, les llicencies terminaes en númberu par van circular los díes pares y viceversa pa les feches impares.
Nos próximos díes va emitise una resolución d’Alcaldía por que se faiga efectiva esta propuesta que permite que les y los profesionales que menguaron la so actividá por cuenta de la crisis sanitaria puedan acoyese a les ayudes aprobaes pa facer frente la situación d’anguaño.
