El candidatu a l’alcaldía por Izquierda Xunida, Más País ya Izquierda Asturiana, Javier Suárez Llana, quier impulsar campañes de visibilización, sensibilización y normalización del usu del asturianu en Xixón. Con esti oxetivu, Suárez Llana, llanzó güei al traviés de les redes sociales la campaña: Las Letronas nel Muelle, y Les Lletrones, ¿ónde?.

L’oxetivu ye instalar una réplica de Las Letronas n’asturianu y que l’allugamientu se decida al traviés d’una consulta ciudadana, indicó’l candidatu a l’alcaldía. El programa electoral d’IX – Más País – IAS plantega normalizar l’usu del asturianu nes actividaes institucionales, incluyendo empreses públiques, formularios oficiales y publicidá institucional. Ensin escaecer que la promoción y l’usu del asturianu tien de venceyase colos criterios calidables na atención ciudadana.

Suárez Llana colgó nes sos redes sociales esti mensaxe: “Nun hai meyor exemplu normalizador que la imaxe más fotografiada de la ciudá tea tamién na nuesa llingua. Y vamos decidir ente toes y toos ónde queremos poneles. ¿Dalguna idea?”