Les obres de pavimentación de l’avenida de Pablo Iglesias ente les cais Hermanos Felgueroso y Peñalba entamen esti miércoles. Los trabayos, que van rematar el 30 de setiembre, dan continuidá a los realizaos na avenida de Manuel Llaneza. Nesti casu, van llevase a cabu n’horariu diurnu y en dos fases. Na primera, va trabayase nos dos carriles del marxe derechu y la llínea d’aparcamientos; na segunda fase, nel carril y llínea d’aparcamientos del marxe izquierdu. Siempres se va caltener un carril abiertu a la circulación pa causar los menores problemes de circulación yá que se trata d’una de les principales arteries de la ciudá.
En primer llugar y como ye habitual, van realizase los trabayos de frasáu del pavimentu actual pa, darréu, entamar los trabayos de pavimentación. Por cuenta d’estes obres, van producise diversos cortes de tráficu, n’horariu diurnu, que se detallen de siguío:
Trabayos de fresáu:
Díes 4, 5 y 6 de setiembre van cortase los dos carriles derechos.
Díes 10 y 11 de setiembre va cortase’l carril esquierdu -Trabayos
de pavimentación:
Díes 12 y 13 de setiembre va cortase’l carril esquierdu.
Díes 16, 17 y 18 de setiembre van cortase los dos carriles derechos.
Darréu, van realizase los trabayos de señalización horizontal y la puesta en cota de les arquetes que sían necesaries envalorando’l so fin el llunes 30 de setiembre. Tamién se va ver afectáu’l tráficu de les cais axacentes nes que se va intentar causar
los menores perxuicios posibles.
