Los equipamientos culturales xestionaos pola Conseyería de Cultura, Política Llingüística y Deporte d’Asturies averáronse al millón de visitantes y usuarios nel añu 2024, concretamente, foron 931.364 les persones que disfrutaron de los centros culturales autonómicos nel exerciciu pasáu.
Esta cifra supón una medría de 71.567 visitantes en comparanza col añu 2023, cuando se contabilizaron 859.797 usuarios nos mesmos equipamientos. Estos datos tan bonos demuestren el compromisu del Principáu col accesu a la cultura. Ente los aumentos más destacaos atópense estos espacios:
- Llaboral Ciudá de la Cultura, con 200.948 usuarios nel últimu añu, un 17,2 % más que nel 2023, cuando se rexistraron 171.393 visitantes en La Llaboral.
- LLABoral Centru d’Arte y Creación Industrial, que pasó de 50.587 usuarios nel 2023 a 62.636 nel 2024, rexistrando una medría del 23,8 %.
- Muséu Arqueolóxicu d’Asturies, con 46.035 visitantes nel 2024 frente a los 42.010 del 2023, un aumentu del 9,6 %.
- Muséu de Belles Artes d’Asturies, que vio medrar el públicu de 129.747 a 145.900, lo que representa un incrementu del 12,4 %.
- Centru d’Arte Rupestre de Tito Bustillo, qu’aumentó les visites de 50.407 a 51.523, reflexando una medría sostenida del 2,2 %.
Pola so parte, el Centru Niemeyer rexistró una medría significativa en términos absolutos, algamando los 204.659 usuarios presenciales nel 2024 frente a los 201.410 del 2023, afianzándose como ún de los principales atractivos culturales de la comunidá autónoma.
Equipamientu |
Usuarios/es 2023 |
Usuarios/es 2024 |
Centru Cultural Niemeyer |
201.410 |
204.659 |
Llaboral Ciudá de la Cultura |
171.393 |
200.948 |
Muséu del Xurásicu d’Asturies |
150.241 |
148.343 |
Muséu de Belles Artes d’Asturies |
129.747 |
145.900 |
Llaboral, Centru d’Arte y Creación Industrial |
50.587 |
62.636 |
Centru d’Arte Rupestre Tito Bustillo |
50.407 |
51.523 |
Muséu Arqueolóxicu d’Asturies |
42.010 |
46.035 |
Centru de Recepción y Interpretación del Prerrománicu Asturianu |
22.361 |
24.882 |
Parque de la Prehistoria de Teberga |
15.421 |
16.907 |
Muséu Barjola |
13.872 |
15.876 |
Muséu Etnográficu de Grandas de Salime Pepe el Ferreiro |
12.348 |
13.655 |
TOTAL |
859.797 |
931.364 |
Al mesmu tiempu, hai que destacar el númberu de persones que participaron de la programación de los centros culturales fuera del espaciu físicu de los propios equipamientos, que nun se tuvo en consideranza pal cómputu anterior. Por exemplu, nel casu de LLABoral Centru d’Arte y Creación Industrial, habría que sumar les 23.694 persones que disfrutaron de les actividaes entamaes por esta institución fuera de la so sede en Xixón. Nel casu de Llaboral Ciudá de la Cultura, diben amestase los 9.056 usuarios de la Cinemateca Ambulante, 2.656 más que nel añu anterior.
Asina, el Gobiernu d’Asturies caltién el compromisu p’ameyorar la ufierta cultural del Principáu d’Asturies y promover la participación ciudadana n’actividaes culturales, históriques y artístiques. El balance positivu del añu 2024, rondando el millón d’usuarios, ye una muestra del trabayu que realiza’l Principáu impulsando una ufierta cultural de calidá y accesible a los asturianos y asturianes a lo llargo de tola comunidá autónoma.