Los servicios de Xinecoloxía y Radioterapia del Hospital Universitariu Central d’Asturies (HUCA) colocaron la ciruxía xinecolóxica oncolóxica con radioterapia intraoperatoria n’Asturies cola implicación de dellos servicios del centru sanitariu.
El xefes de sección de Xinecoloxía Oncolóxica y Braquiterapia y Técniques Especiales, Soledá Fidalgo y Ana Alonso, respectivamente, realizaron con ésitu en marzu la primer intervención a una paciente con esta técnica en sufriendo una recaída d’un tumor de cérvix. La operación, de gran complexidá, enllargóse mientres dolce hores. La muyer fai vida normal tres un bon posoperatoriu.
La sección de Xinecoloxía Oncolóxica coordinó la intervención en collaboración colos servicios d’Uroloxía, Ciruxía Xeneral, Ciruxía Plástica y Anatomía Patolóxica. Amás la intervención riquió la collaboración de los profesionales de Medicina Nuclear, Radioloxía y Anestesia.
De siguío, l’equipu d’Oncoloxía Radioterápica cola asistencia del serviciu de Radiofísica completó’l tratamientu radioterápicu en quirófanu. Aplicóse una única dosis de radiación nel cuévanu abdominal de la paciente onde taba alcontráu’l tumor, en concretu na maxana. D’esta manera embrivióse la irradiación de texíos axacentes sanos, y la paciente nun precisó nenguna otra sesión de radioterapia esterna.
