El Gobiernu d’Asturies axudicó a la empresa Teresco Inxeniería y Construcción SL. Les obres del intercambiador de tresporte de Llaboral Ciudá de la Cultura, en Xixón, con una inversión de 380.128 euros y un plazu d’execución de 4 meses. L’actuación ta financiada con fondos europeos Next Generation y busca favorecer la movilidá urbana sostenible, ensin xenerar tráficos adicionales, pa ordenar y ameyorar los espacios d’espera pa los viaxeros del tresporte públicu.
El proyectu va executase nel accesu principal del complexu de Llaboral Ciudá de la Cultura, na cai Luis Moya Blanco. El resultáu va ser un espaciu cubiertu de 90 metros cuadraos, forníu con moblame y protexíu del vientu y del agua pa que los usuarios de llinies d’autobuses urbanos ya interurbanos puedan esperar con mayor comodidá.
La execución del nuevu intercambiador va riquir utilizar parte de la cera esistente p’ampliar la calzada y que los autobuses del CTA nun invadan el carril normal de circulación al aparcar na parada. Pa ello, se retranqueará el carril bici y va optase por facer un tramu continuu de cera y retirar los arbustos qu’anguaño tán asitiaos na contorna.
