Llaranes apuesta pola cultura del país y yá son nueve ediciones. Tres los dos primeros actos de la selmana con visites guiaes al aula didáctica de cultura popular asturiana, l’asociación cultural Escontra’l Raigañu el Centru Sociocultural de Llaranes acueye la charra-alderique Cultura tradicional y llingua asturiana, ónde y cómo se deprende. La charra va entamar esti vienres a les 19:30 hores y nella van tar Fonsu Fernández, director del Muséu de la Gaita de Xixón, Marisa Luque, presidenta d’Escontra’l Raigañu y Rodrigo Joglar, director de la Banda de Gaites LaKadarma-Escuela de Música tradicional van facer un repasu peles iniciatives públiques y privaes.
D’otra banda, l sábadu 18 va haber doble actividá nel Centru Sociocultural de Llaranes. A les 19:00 hores, Maite Capín da la charra Tintes de película, una forma de vida nel sieglu XXI y a les 20:00 hores hai tarde en danza coles actuaciones de Pandereteros d’Anguaño y les Pandereteres d’Escontra’l Raigañu. La entrada ye llibre y va haber sidra’l duernu, castañes magostaes y dulces de calabaza.
