El sábadu 20 de payares a les 20:00 l’Auditoriu va acoyer la representación de la obra de teatro «Lope y sus Doroteas», con testu d’Ignacio Amestoy y dirección d’Ainhoa Amestoy. Esta producción pon n’escena una de les últimes etapes del dramaturgu Lope de Vega al traviés d’una de les sos rellaciones más tortuoses.
Lope de Vega ye un personaxe recordáu, amás de pola so obra, pola so vida amorosa, les sos hestories romántiques y les muyeres que pasaron pola so vida y que-y dieron fama de donjuán. Nesta obra escenifícase una época na que l’artista redacta les sos obres de madurez y recuerda les sos aventures sentimentales, lo que-y lleva a plasmar nel protagonista d’una de les sos obres más querides, «Las Doroteas», la so mocedá y el so amor por Elena Osorio.
Mientres revive la so hestoria d’amor frustrada al traviés de les sos memories, la so descendiente más pequeña, Antonia Clara, como fía de so pá, va esperimentar un procesu de rebelión que’l poeta va tener que sobrellevar. Pa lidiar con esta situación va cuntar cola ayuda de Lorenza Sánchez, la so ama de llaves y tamién amante.
Les entraes tán disponibles al preciu de 22€ y pueden mercase na taquilla y páxina web del Centru Niemeyer y les recepciones de Llaboral Ciudá de la Cultura (Xixón) y CITPA (Uviéu).
