El Serviciu de Salú del Principáu (Sespa) programó una nueva xornada de vacunación frente a la covid ensin cita previa pal vienres, 28 de xineru. L’alministración de les dosis va realizar nes ocho árees sanitaries pa facilitar l’accesu a la profilaxis a la población pendiente d’inmunizar, énte la medría del númberu de contaxos detectaes nes últimes selmanes. La nueva convocatoria ta dirixida a mayores de 12 años que nun recibieren la primer o la segunda dosis. Tamién s’inoculará la d’alcordanza a persones nacíes en 1992 o años anteriores. Na última xornada VacFriday, celebrada’l vienres pasáu, alministráronse 1.423 vacunes, de les que 313 correspuenden con primeres dosis, 233 con segundes y 877 d’alcordanza.
Los espacios y horarios habilitaos pa la vacunación nes ocho árees sanitaries son los siguientes:
– Área sanitaria 1 (Xarrio). Polideportivu Los Castros en Xarrio (Coaña), de 11:30 a 13:30 hores.
– Área sanitaria 2 (Cangas). Área d’estracciones de consultes esternes del Hospital Carmen y Severu Ochoa, en Cangas, de 16:00 a 18:00 hores.
– Área sanitaria 3 (Avilés). Centru Comercial Parque Astur, n’Avilés, de 15:00 a 17:00 hores.
– Área sanitaria 4 (Uviéu). Área d’estracciones del HUCA, n’Uviéu, de 16:00 a 20:00 hores.
– Área sanitaria 5 (Xixón). Palaciu de Deportes de La Guía Presidente Adolfo Suárez, en Xixón, de 9:00 a 11:00 hores.
– Área sanitaria 6 (Oriente). Polígonu de Guadamía, en Ribeseya, de 11:00 a 13:00 hores.
– Área sanitaria 7 (Caudal): puntu de vacunación del Hospital Vital Álvarez Buylla de Mieres, allugáu na planta 0, de 12:00 a 14:00 hores.
– Área sanitaria 8 (Nalón): Centru comercial Valle del Nalón, en L’Entregu, de 13:00 a 15:00 hores.
Salú recuerda que les persones comenenciudes tienen d’allegar a la área sanitaria correspondiente y presentase nos puntos habilitaos col so carné d’identidá. La nueva convocatoria de vacunación ensin cita enmárcase na campaña Vacúnate ho/Vacúnate ne de la Conseyería de Salú pa captar a la población pendiente d’inmunizar al traviés de l’autocita.
